2017 წლის 7 და 8 თებერვალს სწავლების ცენტრში საგრანტო კონკურსთან დაკავშირებით გაიმართა საინფორმაციო ხასიათის შეხვედრა არასამთავრობო ორგანიზაციების წარმომადგენლებთან. აღნიშნული შეხვედრა მიზნად ისახავდა არასამთავრობო სექტორის წარმომადგენლების ინფორმირებას 2017 წლის 3 თებერვალს გამოცხადებული საგრანტო კონკურსის შესახებ, თემატიკაზე "პოლიტიკური პარტიების საარჩევნო შესაძლებლობების განვითარების ხელშეწყობა 2017 წელს გასამართი ადგილობრივი თვითმმართველობის წარმომადგენლობითი და აღმასრულებელი ორგანოების არჩევნებისთვის".

სწავლების ცენტრის წარმომადგენლებმა შეხვედრაზე მონაწილეებს გააცნეს ინფორმაცია საგრანტო კონკურსის პირობებისა და საკონკურსო დოკუმენტაციის წარდგენის წესთან დაკავშირებით, საგრანტო განაცხადის განხილვის პროცედურებისა და საგრანტო განაცხადების განმხილველი კომისიის შესახებ, რომლის შემადგენლობაშიც შედიან საერთაშორისო ორგანიზაციების წარმომადგენლები და სხვა მოწვეული ექსპერტები. 

საინფორმაციო ხასიათის შეხვედრას ესწრებოდა 23 არასამთავრობო ორგანიზაციის 30 წარმომადგენელი.