2015 წლის 21 ივლისს გამოცხადებულ საგრანტო კონკურსთან დაკავშირებით, „გრანტის გაცემის წესის“ შესაბამისად, სწავლების ცენტრის დირექტორის ბრძანებით 12 აგვისტოს შეიქმნა წარმომადგენლობითი საგრანტო საკონკურსო კომისია.

კომისია დაკომპლექტდა შესაბამისი გამოცდილების მქონე აკადემიური სექტორისა და საერთაშორისო ორგანიზაციების წარმომადგენლებით, როგორიცაა საარჩევნო სისტემების საერთაშორისო ფონდი (IFES), ფონდი ღია საზოგადოება - საქართველო, გაეროს ქალთა ორგანიზაცია, ნიდერლანდების მრავალპარტიული დემოკრატიის ინსტიტუტი (NIMD), კონრად ადენაუერის ფონდი (KAS), საერთაშორისო ურთიერთობების ეროვნულ–დემოკრატიული ინსტიტუტი (NDI), საერთაშორისო რესპუბლიკური ინსტიტუტი (IRI), ეროვნული უმცირესობების საკითხებზე ეუთოს უმაღლესი კომისარი (OSCE HCNM). კომისიის შემადგენლობა ეცნობა საქართველოს ცენტრალურ საარჩევნო კომისიას.

საგრანტო საკონკურსო კომისია უზრუნველყოფს არასამთავრობო ორგანიზაციების მიერ სწავლების ცენტრში წარდგენილი საკონკურსო დოკუმენტაციის შეფასებას წინასწარ ობიექტურად განსაზღვრული კრიტერიუმების შესაბამისად და დამოუკიდებლად იღებს გადაწყვეტილებას საგრანტო კონკურსში მონაწილე არასამთავრობო ორგანიზაციის დაფინანსების ან დაფინანსებაზე უარის თქმის შესახებ.

საგრანტო კონკურსის პროცესი გამჭვირვალეა. სწავლების ცენტრი უზრუნველყოფს კონკურსის მიმდინარეობასთან დაკავშირებული ინფორმაციისა და კონკურსის შედეგების პროაქტიულ გამოქვეყნებას ვებ-გვერდზე, ამასთან, საჯარო ინფორმაციის ხელმისაწვდომობას ნებისმიერი დაინტერესებული პირისთვის მოთხოვნის შესაბამისად.

საგრანტო კონკურსთან დაკავშირებული შემდგომი ინფორმაცია ეტაპობრივად განთავსდება ვებ-გვერდზე.

ცხელი ხაზი: 261 21 11; 599 95 83 83